Com o norte e o centro de Portugal cercado polo lume, e os céus da Galiza tingidos do vermelho dos fumos, a combinaçom de monocultura eucalipteira e veraos cada vez mais longos e secos mostra um presente e futuro de perigos crescentes. As redes sociais galegas fervem em solidariedade com além Minho, e avançam as vozes que questionam a aposta eucaliptizadora dos partidos espanhóis no nosso país.
A imprensa nacionalista sintetizava assim a magnitude do acontecido, que inclui a declaraçom de “estado de calamidade”, vítimas humanas, e perdas ambientais e económicas além do calculável hoje.
A vaga de simpatia da Galiza com o Portugal arrasado é grande, e manifestava-se até mesmo em clubes de futebol como o Celta.
A verdadeira imagem dos efeitos que tenhem as crises ambientais como as que vivemos sintetizárom-se neste video do Gondomar português, que deu a volta ao país vizinho e ao mundo lusófono, retratando pessoas à beira da morte que finalmente foram salvadas.
Dado que para o PP a vaga de lumes além Minho nom tem consequências políticas diretas, o seu braço mediático, a CRTVG, permite-se dar umha informaçom cercana e sobre o terreno, como assinala este perfil.
Serviços meteorológicos apontavam já onte que o fumo, no sul da velha Gallaecia, iria ser percetível no norte, com assim aconteceu
Marinheiros galegos, das Rias Baixas, podiam ver com os seus próprios olhos a magnitude da desfeita.
As fotos via satélite também confirmavam a dimensom do acontecido, e permitiam deduzir que a eucaliptizaçom e os fogos que se associam ponhem já a populaçom em risco.
No médio dumha vaga solidária galego-portuguesa, e da conscienciaçom contra o eucalipto plantado massivamente, nom faltaram quem banalizaram o facto, mesmo tendo responsabilidades políticas.
Como contra-ponto à desfeita, esta conta homenageava às trabalhadoras e trabalhadores que combatem na primeira linha do fogo.
A posta em causa radical da monocultura do eucalipto, da que Portugal é exemplo, sintetizava-se neste chio.
Para além da imagem, esta mesma conta fornecia dados científicos da chamada “árvore gasolina”.
Altri, junto a Navigator, som dous atores importantes na eucaliptizaçom de Portugal, e como tal apareciam assinalados nas redes sociais.
Na Galiza, o ambientalismo sintetizava esta reflexom, que é a que guia a luita contra Altri.
As comparaçons entre a política seguida além-Minho e a que aplica aqui a direita espanhola semelham inevitáveis, segundo se recordava em algumhas contas.
O acontecido está a ser tam impatante que o bloco dominante pro-eucaliptizaçom terá que fazer um esforço desinformativo muito intenso para rebater realidades como a que oferece este video.