As associaçons Río Gallo e Portavezal capitaneam o esforço ativista de várias entidades da bisbarra do Úmia na organizaçom desta III Revolta.
A jornada há ter lugar o sábado 31 na aldeia de Vilar de Mato, lindeira com o Sebil de Joám Jesus Gonçales. Começará às 11:30 com umha andaina de duas distâncias (4km e 10km aproximadamente) polas beiras do rio Úmia que inclui o passo por umha via romana e a visita aos petróglifos de Cequeril.
No entanto, às 12:00, umha alborada há percorrer o lugar a cargo de Hai que Roelo. O jantar central iniciará-se às 15:00 a base de polvo, churrasco mais sobremesa. Existirá também menu infantil. Com os cafés, Alba Maria e Lupe Blanco ham encetar o tempo das regueifas. Trás dele, os característicos jogos e obradoiros deste festival nas carvalheiras da ribeira do Úmia.
No serám ham principiar os concertos que este ano contam com Plan Siberia, Oh! Ayatollah, Wach McKánijan e Os Outsiders, Os Residuos Atractivas, The Lelli Kelly´s e Os Jhon Deeres.