O embargo total que acaba de aprovar a administraçom Trump vai contra todo incluindo os alimentos que se distribuem a preços subsidiados a mais de 6 milhons de famílias (uns 22 milhons de pessoas num país de 30 milhons de habitantes) através da administraçom bolivariana conhecida como CLAP. Quais som as intençons do império com estas novas medidas:

Esta disposiçom marca umha escalada significativa nas agressons económicas e financeiras contra a Venezuela e representa um clímax do ciclo de bloqueio económico continuado que iniciárom os Estados Unidos desde o 2014.

As incursons ilegais de avions espia do Comando Sul há um par de semanas fôrom o primeiro passo conjunto de pressons que agora desembocam na oficializaçom dum embargo total a Venezuela via Ordem Executiva.

Esta determinaçom procura dinamitar o processo de diálogo que agora mesmo se desenvolve em Barbados entre o chavismo e a oposiçom sob o abeiro de Noruega. Horas antes do anúncio, John Bolton afirmou que nengumha eleiçom se poderia permitir no entanto Nicolás Maduro estivesse no poder.

Deste jeito, poderia-se deduzir que o diálogo em Barbados estava encaminhado para um processo eleitoral de consenso. Isto pudo obrigar a administraçom Trump a “bombardear” a mediaçom e a desativar pola força um dos pontos centrais da discusom: o urgente levantamento do bloqueio económico.

A Ordem Executiva ocorre no meio de tiroteios massivos nos Estados Unidos e umha queda considerável na popularidade de Trump em plena campanha eleitoral. A medida serviria também como umha válvula de escape para o caos interno que enfrenta.

Quanto ao cálculo eleitoral, Trump procura anoar de vez o voto da diáspora cubanos-venezuelana de cara ao 2020. Isto exige a saída definitiva de Maduro ou umha intervençom mais frontal na Venezuela para lhe dar o voto aos republicanos.

A nível económicos, os alcances deste embargo vam ser significativos. Agudiza o afogo a todas as fontes de ingressos do país, como a exportaçom de ouro e petróleo e tenta abafar, definitivamente, as rotas de ingresso das caixas CLAP, recentemente sancionadas polo Departamento do Tesouro.

Por último, sectores do antichavismo radical nom defraudárom quanto ao seu entreguismo: Juan Guaidó, Maria Corina Machado e outros celebrárom com ledícia estas medidas que ameaçam a vida material de milhons de venezuelanos.