Senda Solidária organiza umha Andaina para recadar fundos este sábado 26 de Janeiro com o objectivo de plantar árvores autóctones em colaboraçom com as associaçons ecologistas da zona.
O percurso é ajeitado para maiores de 18 anos mas nom para cans e cadelas.

A andaina coincide com um campeonato de caça do raposo na zona. Diante das petiçons de várias associaçons animalistas, coletivos ecologistas e agrupaçons vizinhais que lhes solicitárom que se posicionassem sobre o tema, a organizaçom de Senda Solidária declara-se amiga dos raposos, polo que a sua rota deste sábado, além dumha acçom para reflorestar com árvore autóctone, há unir a consigna #nonACazaDoRaposo para converter a andaina também num protesto pacífico e silencioso contra o ato de matar raposos. O coletivo apoia as causas solidarias justas, e o #nonaCazaDoRaposo é umha delas.

Mais de 30 colectivos ecologistas, animalistas, culturais e políticos acreditam e difundem esta Senda coma a melhor forma de somar-se a um protesto coletiva desde qualquer âmbito social. Umha maneira de se fazer escuitar nas instituiçons pondo em valor os nossos bosques.