Por Celso Posada/
O pasado 30 de Julho do 2018 figem umha pequena intervençom como público no Pleno Municipal de Ferrol pra apoiar a Moçom do Grupo Municipal do BNG e para dizer alto e claro Fascismo Nunca Máis.
Na minha pequena intervençom dixem alto e claro que em Ferrol @s democratas NOM queremos e NOM imos a permitir de nengumha maneira que traiam os restos do assassino e genocida ditador fascista Francisco Franco, um dos maiores genocidas do mundo, que em Ferrol @s democratas queremos a retirada imediata de toda a simbologia franquista da nossa cidade e Verdade, Memoria, Justiza e Reparaçom pra todas as vítimas do franquismo.
A ditadura fascista do ditador Francisco Franco foi um regime de terror, um autêntico genocídio contra o povo trabalhador e o movimento obreiro, umha ditadura de classe, criminal que implantou umha selvagem ditadura fascista no Estado Espanhol durante 40 anos .
Esta ditadura fascista véu precedida por um infame golpe de estado fascista contra o governo legítimo e democrático da República saído das urnas e este golpe de estado fascista foi alentado, promovido, auspiciado e orquestrado polas elites económicas, pola oligarquia espanhola e pola hierarquia da igreja católica (Nacional Catolicismo) que levou baixo palio o ditador Francisco Franco pra seguir defendendo e mantendo os seus privilégios e interesses de classe.
A ditadura fascista de Francisco Franco torturou, assassinou, fusilou, encarcerou, represaliou, condenou o exílio e enterrou nas “cuneta” milheiros de homens e mulheres democratas e luitadores pola liberdade e fronte o fascismo tanto socialistas, como nacionalistas, independentistas, comunistas, anarquistas, libertári@s, feministas, mestres/as, sindicalistas, etc, etc
Em pleno século XXI e no ano 2018 ainda há mais de 114.000 democratas enterrad@s vergonhentamente nas “cunetas” e em fossas comuns e o fascismo segue estando impune .
Hoje é mais necessário que nunca dignificar as vítimas do franquismo, ilegalizar a Fundaçom Fascista Francisco Franco por apologia do franquismo, investigar todos os crimes do franquismo pra que nom quedem impunes e levar ante a justiça a todas as pessoas responsáveis dos crimes do franquismo e torturadoras e colaboradoras coa ditadura franquista como Billy el Niño, El muñecas, etc.
Também é fundamental a devoluçom imediata ao povo galego do Paço de Meirás que foi um espólio e um roubo do ditador Francisco Franco ao Povo Galego.
Desde aqui toda a minha solidariedade c@s #19deMeiras.
Na minha intervençom no Pleno Municipal de Ferrol para apoiar a justa e democrática Moçom do BNG lembrei que Ferrol é umha cidade rebelde, de longa trajectória de luitas sociais das mulheres como a Revolta das Pedradas e de luitas do movimento obreiro e a cidade onde nascérom Pablo Iglesias Posse, Concepción Arenal, Ricardo Carvalho Calero, as mulheres de Março do 72 e a cidade onde a policía franquista espanhola assassinou a Daniel Niebla, a Amador Rey e o militante da UPG, nacionalista galego, comunista e luitador anti-franquista e na defesa da democracia, das liberdades, do povo trabalhador galego e dos direitos nacionais da Galiza Moncho Reboiras Nóia.
Já por ultimo, quero agradecer-lhe ao BNG que pensasse em mim pra defender a sua democrática moçom, cumpre lembrar que para ser democrata há que ser antifascista.
Verdade, Memória, Justiça e Reparaçom para todas as vítimas do franquismo.