Por Jorge Paços /

Nas redes sociais e na rua, a voz da Galiza consciente começa a escuitar-se, desafiando o quase absoluto monopólio mediático em favor da soluçom ditatorial na Catalunha.

Neste fim de semana começava a circular pola rede um manifesto intitulado « Basta já », cujo objectivo é pôr de manifesto « a repulsa pola forma em que o Estado espanhol trata o povo catalám, as suas instituiçons democráticas e os seus legítimos representantes ». A iniciativa solidária condena a aposta repressiva do Reino, e chama à procura de soluçons dialogadas baseadas no respeito ao direito a decidir .

Fôrom 21 pessoas, mormente da intelectualidade, as que lançárom o manifesto, que nesta altura tem já apoio de centos de assinantes. Os e as promotoras da iniciativa som Suso de Toro, Mercedes Queixas, Quico Cadaval, Isabel Risco, Paulo Carril, Margarita Ledo, Xoán Costa,  Elvira Souto, Xurxo Souto, Pilar García Negro, Moncho Suevos, Ana Cabaleiro, Óscar Valadares, Pilar Pallares, Xosé Lois “O Carrabouxo”, Adela Figueroa, Antonio Oca, Francisco Rodríguez, Olaia Ledo, Vítor Vaqueiro e Xosé Collazo.

Na rua.

Além do calor solidário enviado ao povo catalám através das redes sociais, outras propostas fervem na rua ; a primeira das que temos notícia é a concentraçom no dia de hoje, diante da farola de Urzaiz, na cidade de Vigo, a partir das 19h00. Denunciará-se a utilizaçom da judicatura com fins políticos, e exigirá-se a liberdade dos presos políticos cataláns.