Por Jorge Paços /

No vindouro dia 27 de Novembro, doze activistas estudantis estám citados e citadas nos julgados de Compostela, nas Fontinhas, baixo a acusaçom de “desordens públicas”. A vista oral tentará dilucidar se eram estas pessoas as que ocuparam a reitoria da Universidade em 3 de Março de 2013, interrompendo umha sessom do Conselho de Governo com reivindicaçons a prol do ensino público.

Por estes feitos, fiscal e letrado a USC pedem quatro meses de cadeia para cada umha das pessoas implicadas.

Informaçom policial sem delito prévio.
As defesas das acusadas solicitam a nulidade do procedimento por vulneraçom de direitos fundamentais. O mais chamativo do caso é que no momento do boicote, nenhum dos estudantes participantes foi identificado por pessoal da USC nem pola polícia espanhola; agora, os agentes afirmam tere conhecido os implicados polo visionado de fotografias. E desde que naquela altura nenhuma das pessoas fotografadas tinha antecedentes policiais ou judiciais, deduze-se que a polícia maneja um ficheiro de activistas envolvidos em causas sociais para empregar acusaçons ao seu bel prazer.

Solidárias convocam amanhá umha concentraçom às 9 diante dos julgados, que se está a espalhar também polas redes sociais.